Page 212 [212]
OCR
188 quam piae mentes tanto studio suspirant? Nempe Spiritus absorbebit corpus, utpote victor ac fortior: Idque hoc faciet facilius, partim quod jam olim in vita corpus ad hujusmodi transformationem repurgariti atque extenuarit. Deinde spiritus a mente illa summa mire absorbebitur, quippe infinitis partibus potentiore. Ita ut jam totus homo extra se futurus sit, nec alia ratione felix futurus, nisi quod extra sese positus, patietur quiddam ineffabile a summo illo bono, omnia in se rapiente. Jam haec felicitas quanquam tum demum perfecta contingit, cum animi receptis pristinis corporibus, immortalitate donabuntur: Tamen quoniam piorum vita nihil aliud est, quam illius vitae meditatio, ac velut umbra quaedam, fit ut praemii quoque illius aliquando gustum aut odorem aliquem sentiant. Id tametsi minutissima quaedam stillula ?) est, ad fontem illum aeternae felicitatis, tamen longe superat universas corporis voluptates, etiamsi omnes omnium mortalium deliciae in unum conferantur : Usque adeo praestant spiritalia corporalibus, invisibilia visibilibus. Hoc nimirum est quod pollicetur Propheta: Oculus non vidit, nec auris audivit, nec in cor hominis ascenderunt, quae praeparavit Deus diligentibus se *). Atque haec est Moriae pars, quae non aufertur commutatione vitae sed perficitur. Hoc igitur quibus sentire licuit, contingit autem perpaucis, ii patiuntur quoddam dementiae simillimum, loquuntur 2) Demin. ab E. fictum, ut degustatiuncula in fin. cap. 3) Ep. ad Cor. IL 2, 9 (cl. Isaiae LXIV. 4), ubi tamen legitur: ++. ascendit, quae praeparavit Deus iis qui diligunt illum.
