Page 164 [164]
OCR
140 a quibus longe vincuntur. Quanquam utrique alteris usque adeo sunt similes, ut nemo dubitet, quin aut hi ab illis, aut illi ab his rhetoricen suam didicerint. Et tamen inveniunt hi quoque, mea nimirum opera, qui cum hos audiunt, Demosthenes meros, ac Cicerones audire se putant. Quod genus sunt praecipue mercatores ac mulierculae: quorum auribus unice placere student, quod illi nonnullam praedae portiunculam de rebus male partis soleant impertiri“), si commode fuerint palpati. Illae cum aliis multis de causis huic ordini favent, tum praecipue, quod in horum sinus soleant effundere, si quid in maritos stomachantur, Videtis opinor, quantopere mihi debeat hoc hominum genus, cum ceremoniolis, et nugis deridiculis , clamoribusque tyrannidem quandam inter mortales exerceant, et Paulos atque Antonios ‘) sese credant. 44) Deponentis forma rara. 45) Ex duobus Sanctis Antoniis, altero Aegyptio, Monachorum quasi patre, qui CV annos natus, anno 356 diem obierit supremum, altero Patavino, Franciscano, in patria anno 1231 mortuo, hunc laude eloquentiae clarissimum, sibi velle videtur. CAPUT LV. Verum ego istos histriones tam ingratos beneficiorum meorum dissimulatores, quam improbos simulatores pietatis libenter relinquo. Jamdudum enim juvat de Regibus ac principibus aulicis a quibus simplicissime 1) color, et, ut dignum est ingenuis, ingenue, 1) Sine fuco, aperte.
