Page 171 [171]
147
que ita secum cogitent, quid sibi vult hic vestitus
candor? Nonne summam et eximiam vitae innocen¬
tiam? Quid interior purpura? Nonne flagrantissimum
in Deum amorem? Quid rursus exterior, sinuosa ca¬
pacitate diffluens, ac totam etiam Reverendissimi ?)
complectens mulam, quanquam una vel camelo con¬
tegendo suffecerit? Nonne charitatem latissime sese
pandentem ad subveniendum omnibus, hoc est, ad
docendum, exhortandum, consolandum, increpandum,
admonendum, componenda bella, resistendum impro¬
bis principibus, et vel sanguinem libenter impenden¬
dum gregi christiano, non solum opes. Quanquam
quorsum omnino opes, pauperum *) Apostolorum
vicem gerentibus? Haec si perpenderent, inquam,
nec eum locum ambirent et libenter relinquerent,
aut certe vitam plane laboriosam atque sollicitam
agerent, cujusmodi veteres illi vixerunt Apostoli.
3) Eiusmodi regio vestimento uti Cardinalibus concessit Bonifacius
VIII ineunte saeculo XIV, qui ab anno inde 1630 Eminentissimi
appellantur.
4) Cf. Ev. Matth. X. 9 et Luc. IX. 3.
CAPUT LIX
Jam Summi Pontifices, qui Christi vices gerunt,
si conentur ejusdem vitam aemulari, nempe pauper¬
tatem, labores, doctrinam, crucem, vitae contem¬
ptum, si vel Papae 1), id est, patris nomen, vel
1) „Apostolus, pastor, episcopus officii sunt vocabula, non domi¬
natus, Papa, Abbas, caritatis cognomina sunt, non potestatis.” Mil.
Chr. Enchir. V. p. 49 B.