Page 635 [635]
APPENDIX XI 608
grauius aliquid admittenti noxam sit facile condonaturus. Vide
quam fiduciam amicitia syncera pariat. Gratulor per Musas non
modo Germaniae nostrae sed et Galliae et Britanniae, quarum vna¬
quaelibet viros nunc ‘habet insigniter disertos et eximia praeditos
eruditione. Quid enim Erasmo vel doctius vel eloquentius? quid
Budaeo politius aut excussius aut Atticum magis ? quid Tunstallo vel
candidius vel tersius vel modis omnibus absolutius ? vt de aliis in¬
terim taceam.
Eas epistolas post Erasmi discessum Frobenio typis excudendas
tradidi, cum vt esset aliquid quod tibi mitterem, qui proximis literis
tantopere desyderare visus sis Erasmicum aut Budaicum aliquid acci¬
pere, tum vt studiosis nonnihil prodessem, quos scio non mediocrem
vtilitatem ex harum lectione sibi comparaturos. Denique literarium
sodalitium huius vrbis recentem quam ex tanti viri discessu tristitiam
contraxit, hiis legendis aut discutiet aut certe solabitur. Adhuc
enim praesentem audire se putabunt cum illius epistolas omnium
oris eloquentiam mirabantur, his nune se scriptis elegantissimis
oblectabunt. Bene vale et operam meam boni consule.
Basileae. +x1, Calendas Septembreis. An. M.D. XVIII.
N
Ò
or