Page 633 [633]
OCR
APPENDIX XI PREFACES 1. To vue Eristore AD ERASMUM (B). GENEROSO D. GASPARO HALMALO IVRIS VTRIVSQUE DOCTORI AC INSIGNIS OPPIDI ANTVERPIENSIS TRIBVNO PETRVS AEGIDIVS EIVSDEM OPPIDI SCRIBA S. D. Nec scribere nec eloqui possum, D. Gaspare clarissime atque idem iurisconsultissime, quantum mihi doloris accesserit, vbi te febri laborantem inaudieram; quae vt te incolumi pereat male, superos queso. Tuam enim salutem tanti ac meam facio. Nam cum mihi fueris etiam ab ipsa pueritia amantissimus, non potui non vehementer, 5 vt addecuit, ingemiscere. Cogitanti itaque mihi qua ratione valetudinem tuam, quae mihi quoque haud dubium molestissima est, quasi alexipharmaco quopiam subleuarem, visum est ex ingenti epistolarum aceruo aliquot deligere, quas Erasmus Roterodamus, theologus ille vel omnium consensu ro doctissimus eloquentissimusque, ad claros et insignes viros scripsisset, aut ad hunc illi; sed pauculas modo, quas diuinabam tibi gratissimas fore : quanquam nihil non sciam tibi esse gratum quicquid ab Erasmo proficiscitur; qui quidem de homine (vt dignus est) tam amanter sentis vt amantius non possis. Et illius egregiae dotes sic orbi vni- 15 uerso notae sunt, sic excellentium virorum literis celebratae, sic quoque summi Pontificis authoritate comprobatae, vt nullius egeant suffragio. Ipse vero hoc est animo vt prorsus huiusmodi subsidia refugiat. Sed vt esset quo te oblectares, has epistolas collegi tibi; quae, qua es erga virum charitate et quo soles oblectamine capi, 20 quoties Erasmeum aliquid offertur, [et] te, vti spero et opto, pristinae sanitati restituent. Cura igitur vt mox te et saluum et nitidum videamus. Vale. Anuerpiae sexto Calendas Octobres. An. M.D.XVI,
