Page 244 [244]
OCR
176 TESTAMENT D’ERASME LUDOVICO BERO, ut syncerissimo amico, qui non dedignabitur assistere testamento seu fideicommisso nostro, dabit horologium harenarium ex puro auro. BASILIO AMERBACHIO duas quadras argenteas cum argentea lageneula et cyathum argenteum, cuius operculum habet imaginem S. Hieronymi. BEATO RHENANO fuscinulas duas, alteram auream, alteram argenteam. HIERONYMO FROBENIO duas crumenas, alteram cum circulo argenteo, alteram cum argenteo inaurato. JOANNI FROBENIO cortinas lecti cum duobus aulæis textis. SIGISMUNDO, castigatori Frobenii, quicquid præterea vestium est et ducatos communes viginti sex cum cochleari inaurato. JOANNI BOTZEMIO, Canonico Constantiensi, pro monumento dabit cochleare argenteum, quod habet sculptum Sebastianum. CONRADO GOCLENIO nomismata aurea et argentea omnia et sex cyathos argenteos, quos nunc habet. Quod reliquum est vasorum argenteorum aut inauratorum vertetur in editionem operum meorum, ex heredis arbitrio consilioque exequutorum.
