Page 242 [242]
OCR
TESTAMENT D’ERASME In Nomine Domini Amen. Anno a Christo nato 1527 postridie Agnetis Basilee ERASMUS ROTERODAMUS, Theologie doctor ac presbyter diocesis Traiectensis inferioris, integra, gratia domino, sanaque mente, meapte manu declaravi per hoc scriptum ultimam voluntatem meam de bonis meis omnibus, que reliquero. Quorum heredem seu fideicommissarium instituo doctorem BONIFACIUM AMERBACHIUM, Exequutores BEATUM RHENANUM Sletstadiensem, BASILIUM AMERBACHIUM et HIERONYMUM FROBENIUM, volens ac statuens: In primis ut heres sibi ex bonis sumat omnes annulos meos, quos in inventario designatos inveniet, præterea cochleare pure aureum et duplex poculum inauratum, munus Ducis Georgii, adhæc coronatos centum in pecunia. HENRICO GLAREANO tradat omnem supellectilem lineam cum duabus vestibus optimis, altera violacea, altera nigra, subducta pellibus madauricis, quæ vulgo dicuntur Marders, et coronatos quinquaginta.
