Pagina 40 [40]
OCR
16 CAPUT XII At sane parum sit, mihi vitae seminarium , ac fontem deberi, nisi, quicquid in omni vita commodi est, id quoque totum ostendero mei muneris esse. Quid autem vita haec, num omnino vita videtur appellanda, si voluptatem detraxeris? Applausistis, Equidem sciebam, neminem vestrum ita sapere, vel desipere magis, imo sapere potius 1), ut in hac esset sententia. Quanquam ne Stoici quidem isti voluptatem aspernantur, tametsi sedulo dissimulant, milleque convitiis eam apud vulgus dilacerant ?), nimirum ut deterritis aliis, ipsi prolixius fruantur, Sed dicant mihi per Jovem: quae tandem vitae pars est non tristis, non infestiva, non invenusta, non insipida 3), non molesta, nisi voluptatem, id est, stultitiae condimentum adiunxeris? Cuius rei cum satis idoneus testis esse possit, ille. nunquam satis laudatus Sophocles, cuius extat pulcherrimum illud de nobis Elogium "Ev Tp Ppovelv yào unòèv, Fdiotog Blog A), tamen age, rem omnem sigillatim 5) aperiamus. 1) Quod aliis est desipere, est stultis i. q. sapere. 2) Conviciis verberare, proscindere invenitur, dilacerare primus E. scripsit. 3) Ex Gellio VII. 1, 2, ubi hodie Hertzius insubidius. 4) In Aiace, v. 554. 5) Sic semper E. pro singulatim vel singillatim, at formulam rationemque scribendi E. eiusque aequales scientia non comprehenderant, apud quos, aeditor, eguus (aequus), guum (praep.), alia monstra inveniuntur.
